زمین و زماں تمہارے لئے مکین و مکاں تمہارے لئے

زمین و زماں تمہارے لئے مکین و مکاں تمہارے لئے

زمین و زماں تمہارے لئے مکین و مکاں تمہارے لئے
چنین و چناں تمہارے لئے بنے دو جہاں تمہارے لئے

دہن میں زباں تمہارے لئے بدن میں ہے جاں تمہارے لئے
ہم آئے یہاں تمہارے لئے اٹھیں بھی وہاں تمہارے لئے

کلیم و نجی مسیح و صفی خلیل و رضی رسول و نبی
عقیق و وصی غنی و علی ثنا کی زباں تمہارے لئے

اصالت کل‘ امامت کل‘ سیادت کل‘ امارت کل
حکوت کل ولایت کل خدا کے یہاں تمہارے لئے

تمہاری چمک تمہاری دمک تمہاری جھلک تمہاری مہک
زمین و فلک سماک وسمک میں سکہ نشاں تمہارے لئے

وہ کنز نہاں یہ نور فشاں وہ جن سے عیاں یہ بزم فکاں
یہ ہر تن و جاں یہ باغ جناں یہ سارا سماں تمہارے لئے

ظہور نہاں قیام جہاں رکوع مہاں سجود شہاں
نیازیں یہاں نمازیں وہاں پہ کس کے لئے ہاں تمہارے لئے

یہ شمس و قمر یہ شام و سہر یہ برگ و شجر یہ باغ و ثمر
یہ تیغ و سپر یہ تاج و کمر یہ حکم رواں تمہارے لئے

یہ فیض دیئے وہ جود کئے کہ نام لئے زمانہ جیئے
جہاں نے لئے تمہارے دیئے یہ آکر میاں تمہارے لئے

سحاب کرم روانہ کئے کہ آپ نعم زمانہ پئے
جو رکھتے تھے ہم وہ چاک سیئے یہ ستر بداں تمہارے لئے

ثنا کا نشاں وہ نور فشاں کہ مہر و شاں بآں ہمہ شاں
بسا یہ کشاں مواکب شاں یہ نام و نشاں تمہارے لئے

عطائے ارب جلائے کرب فیوض عجب بغیر طلب
یہ رحمت رب ہے کس کے سبب برب جہاں تمہارے لئے

ذنوب فنا عیوب ہبا قلوب صفا خطوب روا
یہ خوب عطا کروب زوایئے دل و جاں تمہارے لئے

جناں میں چمن چمن میں سمن سمن میں پھبن پھبن میں دولہن
سزائے محن پہ ایسے منن یہ امن و اماں تمہارے لئے

کمال مہاں جلال شہاں جمال حساں میں تم ہو عیاں
کہ سارے جہاں میں بروز فکاں ظل آئینہ ساں تمہارے لئے

یہ طور کجا سپہر تو کیا کہ عرش علا بھی دور رہا
جہت سے ورا وصال ملا یہ رفعت شاں تمہارے لئے

خلیل و نجی مسیح و صفی سبھی سے کہی کہیں بھی بنی؟
یہ بے خبری کہ خلق پھری کہاں سے کہاں تمہارے لئے

بفور صدا سماں یہ بندھا یہ سدرہ اٹھا وہ عرش جھکا
صفوف سمانے سجدہ کیا ہوئی جو اذاں تمہارے لئے

یہ مرحمتیں کہ کچی متیں نچھوڑیں لتیں نہ اپنی کتیں
قصور کریں اور ان سے بھریں قصور جناں تمہارے لئے

فنا بدرت سے بقا بپرت زہر دو جہت بگر دسرت
ہے مرکزیت تمہارے صفت کہ دونوں کمان تمہارے لئے

اشارے سے چاند چیر دیا چھپے ہوئے خورکر پھیر لیا
گئے ہوئے دن کو عصر کیا یہ تاب و تواں تمہارے لئے

صبا وہ چلے کہ باغ پھلے وہ پھول کھلے کہ دن ہو بھلے
لوا کے تلے ثنا میں کھلے رضا کی زباں تمہارے لئے