میں تو آقا کے در کا گدا ہوں

میں تو آقا کے در کا گدا ہوں
کیسے زندہ رہوں بِن مدینہ
کیا خبر کب مجھے رب بلالے
مجھ کو لے ہی چلو اب مدینہ

میری آنکھوں کو منظر دکھا دو
اِن میں پیارا مدینہ بسا دو
جب کُھلیں تو دِکھے بس مدینہ
اور بند ہوں تو شاہِ مدینہ

میری راہوں میں پتھر ہیں کانٹے
میں نے غم بھی کسی سے نہ بانٹے
اب تسلی ملے گی وہیں جب
دکھ سنیں تاجدارِ مدینہ

میری کشتی بھنور میں پھنسی تھی
اور قسمت کے لب پر ہنسی تھی
اک دفعہ جب کہا پیارے احمد
میرا ساحل پہ پہنچا سفینہ

میں تھا بھٹکا ہوا منزلوں سے
دور تھا میں چمن سے گُلوں سے
باغباں پر درودوں کے صدقے
میں نے پالی ہی راہِ بخینہ

مجھ کو رنج و الم نے ہے گھیرا
میرے اپنوں نے منہ مجھ سے پھیرا
اب تو دیجیے سہارا محمد
ڈوبتا جا رہا ہے سفینہ